Një 38 vjeçar është lënduar si pasojë e një aksidenti në aksin rrugor Gaçkë–Burrnik, në fshatin Burrnik.

Sipas policisë, në aksident ishin përfshirë dy automjete – njëra me targa vendore dhe tjetra pa targa, shkruan Arbresh.info.

Në vendin e ngjarjes është angazhuar Njësia e Trafikut Rajonal, e cila gjatë ekzaminimit të veturës pa targa ka zbuluar në pjesën e pasme të saj një armë zjarri (pistoletë).

“Arma është konfiskuar nga njësitë hetimore dhe forenzike, ndërsa i dyshuari është dërguar për trajtim të mëtutjeshëm në Qendrën Klinike Universitare të Kosovës në Prishtinë.”, njofton policia.

Lidhur me rastin, është njoftuar prokurori i shtetit, i cili ka udhëzuar që të iniciohet rasti “Mbajtja në pronësi, kontroll ose posedim i paautorizuar i armëve.”

“Hetimet janë në vazhdim, si për aksidentin e trafikut ashtu edhe për çështjen e armës dhe për veprimet e mëtejme do të njoftoheni me raport shtesë.”, thuhet në njoftimin e policisë./Arbresh.info/